ಅತ್ತಿಯಮರವಾ ಕಿತ್ತು
ಜನಪದ
ಅತ್ತಿಯಮರವಾ ಕಿತ್ತು ನೆಡುವಾರುಂಟೆ
ಅತ್ತಿಲ್ಲದ ಮನೆಗೆ ಗೌರಿಯ
ಅತ್ತಿಲ್ಲದ ಮನೆಗೆ ಗೌರಿಯ ಕೊಟ್ಟರೆ
ಒಪ್ಪವಿನ್ಯಾರೆ ಕಲಿಸೋರು||
ಆತ್ತೆಯು ನಾನೆ ಅತ್ತಿಗೆಯು ನಾನೇ
ಮತ್ತೆ ಸೋದರಿ ಗೌರಿಗೆ
ಮತ್ತೆ ಸೋದರಿ ಗೌರಿಗು ನಾನೆ
ಗೌರಿಯ ನಮಗೆ ಕೊಡಬೇಕು||
ಆಲದ ಮರವನ್ನೆ ಸೀಳಿ ನೋಡುವರುಂಟೆ
ಮಾವಿಲ್ಲದ ಮನೆಗೆ ಗೌರಿಯ
ಮಾವಿಲ್ಲದ ಮನೆಗೆ ಗೌರಿಯ ಕೊಟ್ಟರೆ
ಆಯವಿನ್ಯಾರೆ ಕಲಿಸೋರು||
ಮಾವನು ನಾನೆ ಭಾವನು ನಾನೆ
ಮತ್ತೆ ಸೋದರಿ ಗೌರಿಗೆ
ಮತ್ತೆ ಸೋದರಿ ಗೌರಿಗು ನಾನೆ
ಗೌರಿಯ ನಮಗೆ ಕೊಡಬೇಕು||
ಆರು ವರುಷದ ಬಾಲೆ ನಮಗೌರಿ ಈಗಿನ್ನು
ಹರಿವಾಣ ಬೆಳಗೋದ್ ಅರಿಯಳು
ಹರಿವಾಣ ಬೆಳಗೋದ್ ಅರಿಯಳು ನಮ ಗೌರಿ
ನಾವ್ಹ್ಯಾಂಗೆ ಗೌರಿಯ ಕಲಿಸೋದು||
ಹರಿವಾಣ ಬೆಳಗೋದ್ ಅರಿಯದಿದ್ದೊಡೆ ನಾಳೆ
ನಾನೇ ಕಲಿಸೂವೆ ಗೌರಿಗೆ
ನಾನೇ ಕಲಿಸೂವೆ ಗೌರಿಗೆ ನಾಳೆ
ಗೌರಿಯ ನಮಗೆ ಕೊಡಬೇಕು||
ಹಾದೀಲಿ ಟಿರುಗೋರು ಬೀದೀಲಿ ಉಂಬೋರು
ತ್ಯಾಗಾದೆಲೆಯಂಗೆ ಉಡಿತುಂಬುವರು
ತ್ಯಾಗಾದೆಲೆಯಂಗೆ ಉಡಿತುಂಬೊ ಜಂಗಮಗೆ
ಗೌರಿಯಾ ನಾವು ಕೊಡುವೆವು||
ಆಕಾಶದಿಂಬಕ್ಕೆ ಭೂಮಿಯ ಭಾರಕ್ಕೆ
ಹಾಕ್ಯಾರೆ ಮುತ್ತಿನ ಚಪ್ಪರವಾ
ಮಾಡ್ಯಾರೆ ಗೌರಿಯ ಮದುವೆಯ ಸಂಭ್ರಮದಿ
ಕಳುಹಾರೆ ಗೌರಿಯ ಸಡಗರದಿ||
No comments:
Post a Comment
Note: Only a member of this blog may post a comment.