ಸೋದರ ಮಾವ ನನ ಯಾಕ ಕಾಡತಿ

ಸೋದರ ಮಾವ ನನ ಯಾಕ ಕಾಡತಿ

ಜನಪದ

(೦+-)

ಸೋದರ ಮಾವ ನನ ಯಾಕ ಕಾಡತಿ

ಹಿತ್ತಲದಾಗ ಯಾಕ ಕದ್ದು ನಿಲ್ಲತಿ

ನೀ ಕದ್ದು ನಿಲ್ಲತಿ

(೦->)

ಹೇ! ಮಾವನ ಮಗಳೇ ನೀ ಹಿಂಗ ಯಾಕ ಮಾಡತಿ

ಬಯಸಿ ಬಂದೇನಿ ನಾ ಹಿಂಗ ಯಾಕ ದೂಡತಿ

ನನ್ನ ಯಾಕ ದೂಡತಿ

(೦+-)

ನಮ್ಮ ಮದುವಿ ಆಗೊ ದಿವಸ ಇನ್ನು ದೂರವೇನು ಇಲ್ಲ

ನನ್ನ ಜೋಡಿ ಆಗೊ ಮನಸು ನನಸಾಗತೈತಿ ಎಲ್ಲ

ಮಾವ ಮಾವ ಈಗ ಹೋಗು ಅವ್ವ ನೋಡಿದರ ಏನ್ ಗತಿ

|| ಸೋದರ ||

(೦->)

ಮದುವಿ ಆಗೊದಂತು ಗ್ಯಾರೆಂಟಿ ಐತಿ

ನಿನ್ನ ಗಂಡ ನಾನು ಇನ್ಯಾರ ಅಂಜಿಕಿ

ನಮಗ ಇನ್ಯಾರ ಅಂಜಿಕಿ

(೦+-)

ಅಯ್ಯೋ ಮದುವಿಗೆ ಮುಂಚೆ ಇದೇನು ಚಟ ಹಾರಿ ಬಂದಿ ಬೇಲಿಯ ಗೂಟ

(೦->)

ಕನಸಮನಸಿನ್ಯಾಗ ಬಲು ಕಾಟಾ ಮಾಡಬೇಕು ನಾನೀಗ್ ಊಟ

(೦+-)

ಕೊಳ್ಳಿಗೆ ತಾಳಿ ಬಿದ್ದ ಮರುದಿನ ಎಲ್ಲ ನಿಂದೆ ಈಗ್ಯಾಕ ಹಟ

(೦->)

ತಡಿಯಲಾರೆ ನಾ ಅಲ್ಲಿ ಮಟ ಯಾರದೈತಿ ನಮಗ ಕಾಟ

(೦+-)

ಅಂಗೈಯ್ಯಾಗ ಹಣ್ಣಿರುವಾಗ ಹೊಟ್ಟೆ ಹಸಿವ ತಾಳೆನು ನಾನು

(೦->)

ನಾನೇ ನಿನ್ನ ಗಂಡ ನಿನಗ ಯಾತಕ ಹಳವಂಡ

(೦+-)

ಮೈ ಮರೆತು ಕೆಟ್ಟ ಬೀಳ್ಬೇಕು ತುಂಬಿದ್ ಹೊಂಡ

|| ಸೋದರ ||

(೦->)

|| ಮಾವನ || ಹೇಳ!

(೦+-)

ಕಸಗಾಯೊಳಗ ರುಚಿಯಿಲ್ಲ

ಹಣ್ಣಾಗೋತನಕ ಗತಿಯಿಲ್ಲ

(೦->)

ಒತ್ತಿ ಒತ್ತಿ ಹಣ್ಣ ಮಾಡ್ತನಿ

ಅರ್ಜೆಂಟಾಗಿ ತಿನ್ನತನಿ

(೦+-)

ಹೇಯ್! ಮಾಗುವ ತನಕ ಸ್ವಲ್ಪ ತಡಿ

ಬಂದ ದಾರಿಯ ತಿರುಗಿ ಹಿಡಿ

(೦->)

ಅವಸರ ನಾನು ತಡಿಲಾರೆ ಬಾರೆ ಹತ್ತಿರ ನೀ ನೀರೆ

(೦+-)

ಏ! ಆಸೆ ಐತಿ ಭಾಳ ನನ್ನ ಕಾಡ ಬ್ಯಾಡ

ಮದುವೆ ಗಿಂತ ಮುಂಚೆ ಮಾವಿನ ಕಾಯಿ ತಿನಿಸಬ್ಯಾಡ

ತೊಟ್ಲ ಮೊದಲ ಕಟ್ಟಿ ಆಮ್ಯಾಲ ಮೊದಲ ರಾತ್ರಿ ಬ್ಯಾಡ

|| ಸೋದರ ||

|| ಸೋದರ ||

|| ನಮ್ಮ ಮದುವಿ ||

(೦->)

ಚಂದೊಳ್ಳಿ ಹೆಣ್ಣೇ ನೀ ಬುದ್ಧಿ ಕಲಿಸೀದಿ

ದಾರಿ ತಪ್ಪಿದ ನನಗ ಹಾದಿ ಹಿಡಿಸೀದಿ

ನನಗ ಹಾದಿ ಹಿಡಿಸೀದಿ

ಮದುವಿ ಆಗ್ತೀನಿ ನಾನು ಆದಷ್ಟು ಜಲ್ದಿ

ನೋಡ್ಕೊಂತೀನಿ ನಿನ್ನ ಮೊದಲ ರತ್ರೀಲಿ

ನಿನ್ನ ಮೊದಲ ರತ್ರೀಲಿ