ದೇವನದೆಂತಹ ದೊಡ್ಡಸ್ತಿಕೆ ಬಿಡ
ಜನಪದ
ದೇವನದೆಂತಹ ದೊಡ್ಡಸ್ತಿಕೆ ಬಿಡ
ನನ್ನ ದೊರಿ ಮ್ಯಾಲಾ
ನನ್ನ ಬಿಟ್ಟು ಇನ್ನೊಂದು ಹೆಣ್ಣ
ಮ್ಯಾಲಿಲ್ಲ ಅವಗ ಖ್ಯಾಲಾ ||ಪ||
ರಾಮ ರಾಮನಂತೆ, ಹೊಗಳೆ ಹೊಗಳುತಾರೆ
ರಾಮನೇನು ಶುದ್ಧಾ...
ಯಾರ ಮಾತ ಕೇಳಿ ತನ್ನ ಸತಿಯನೆ
ಅಡವಿಗೆ ಅಟ್ಟಿದ್ದಾ...||ದೇವ||
ಬ್ರಹ್ಮ ದೇವನಂತೆ, ಬಹಳ ಹಿರಿಯನಂತೆ
ಬುದ್ಧಿ ಐತಾ ಅವಗಾ...
ಮೂರು ಜನ ಹೆಂಡಿರ್‍ಯಾತಕೋ
ಪ್ರೀತಿಯ ಬಗಿ ಹ್ಯಾಂಗಾ...||ದೇವ||
ಕೇಳಬ್ಯಾಡ ಶಿವನೇಳಿಗೆ ಗೌರಿಯ
ಗೋಳುಗೊಳಿಸಿಬಿಟ್ಟಾ...
ಹೇಳದೆ ಕೇಳದೆ ತನ್ನ ಜಟೆಯಲಿ
ಗಂಗೆಯ ತಂದಿಟ್ಟ...||ದೇವ||
ಕೃಷ್ಣನದೆಂತಹ ಖೊಟ್ಟಿತನವೋ
ನೋಡೆಷ್ಟು ಹೆಂಡಿರವಗಾ...
ಒಬ್ಬರಿಲ್ಲದಿನ್ನೆಷ್ಟು ಮಂದಿ
ಹಿಡಿದೀತು ಹೃದಯದಾಗಾ...||ದೇವ||
No comments:
Post a Comment
Note: Only a member of this blog may post a comment.