ಯಾವ ಜನ್ಮದ ಮೈತ್ರಿ...

ಯಾವ ಜನ್ಮದ ಮೈತ್ರಿ...

- ಕುವೆಂಪು

ಯಾವ ಜನ್ಮದ ಮೈತ್ರಿ ಈ ಜನ್ಮದಲಿ ಬಂದು
ನಮ್ಮಿಬ್ಬರನು ಮತ್ತೆ ಬಂದಿಸಿಹುದೋ ಕಾಣೆ ||
ಎಲ್ಲಿದ್ದರೇನಂತೆ ನಿನ್ನನೊಲಿಯದೆ ಮಾಣೆ
ಗುರುದೇವನಾಣೆ, ಓ! ನನ್ನ ನೆಚ್ಚಿನ ಬಂಧು

ವಿಶ್ವ ಜೀವನವೊಂದು ಪಾರವಿಲ್ಲದ ಸಿಂಧು
ಮೇಲೆ ತೆರೆನೊರೆಯೆದ್ದು ಭೋರ್ಗರೆಯುತಿರೆ ರೇಗಿ
ಅದರಂತರಾಳದಲಿ ಗುಪ್ತಗಾಮಿನಿಯಾಗಿ
ಹೃದಯಗಳು ನಲಿಯುತಿದೆ ಪ್ರೇಮ ತೀರ್ಥದಿ ಮಿಂದು

ಅದರರ್ಥಗಿರ್ಥಗಳು ಶ್ರುಷ್ಟಿಕರ್ತಾನಿಗಿರಲಿ
ವ್ಯರ್ಥ ಜಿಜ್ಞಾಸೆಯಲಿ ಕಾಲಹರಣವದೇಕೆ ?
(ಕುರುಡನಾದಗೆ ದಾರಿಯರ್ಥ ತಿಳಿಯಲೆ ಬೇಕೇ ?)
(ಹಾದಿ ಸಾಗಿದರಾಯ್ತು ಬರುವುದೆಲ್ಲ ಬರಲಿ)
ಬಾರಯ್ಯ ಮಮಬಂಧು ಜೀವನ ಪತದೊಳಾವು
ಒಂದಾಗಿ ಮುಂದುವರೆಯುವ (ಹಿಂದಿರಲಿ ಸಾವು)