ಹಣ್ಣೆಲೆ ಚಿಗುರಿದಾಗ (1968) - ಹೂವೂ ಚೆಲುವೆಲ್ಲಾ

ಹಣ್ಣೆಲೆ ಚಿಗುರಿದಾಗ (1968) - ಹೂವೂ ಚೆಲುವೆಲ್ಲಾ

ಹಣ್ಣೆಲೆ ಚಿಗುರಿದಾಗ | ೧೯೬೮
ಸಾಹಿತ್ಯ: ಅರ್.ಎನ್.ಜಯಗೋಪಾಲ್
ಸಂಗೀತ: ಎಂ. ರಂಗರಾವ್
ಗಾಯನ: ಪಿ.ಸುಶೀಲ
ರಾಗ: ಭೀಮ್ಪಲಾಸಿ

ಹೂವೂ ಚೆಲುವೆಲ್ಲಾ ನಂದೆಂದಿತೂ
ಹೆಣ್ಣು ಹೂವ ಮುಡಿದು ಚೆಲುವೆ ತಾನೆಂದಳು

ಕೋಗಿಲೆಯು ಗಾನದಲ್ಲಿ ತಾನೇ ಮೊದಲೆಂದಿತು
ಕೊಳಲಿನ ದನಿ ವೀಣೆಯ ಖನಿ ಕೊರಳಲಿ ಇದೆಯೆಂತು
ಹೆಣ್ಣು ವೀಣೆ ಹಿಡಿದ ಶಾರದೆಯೆ ಹೆಣ್ಣೆಂದಿತು

ಹೂವೂ ಚೆಲುವೆಲ್ಲಾ ನಂದೆಂದಿತೂ
ಹೆಣ್ಣು ಹೂವ ಮುಡಿದು ಚೆಲುವೆ ತಾನೆಂದಳು

ನವಿಲೊಂದು ನಾಟ್ಯದಲ್ಲಿ ತಾನೇ ದೊರೆಯೆಂದಿತು
ಕೆದರುತ ಗರಿ ಕುಣಿಯುವ ಪರಿ ಕಣ್ಣಿಗೆ ತಂಪೆಂತು
ಹೆಣ್ಣು ನಾತ್ಯದರಸಿ ಪಾರ್ವತಿಯೆ ಹೆಣ್ಣೆಂದಿತು

ಹೂವೂ ಚೆಲುವೆಲ್ಲಾ ನಂದೆಂದಿತೂ
ಹೆಣ್ಣು ಹೂವ ಮುಡಿದು ಚೆಲುವೆ ತಾನೆಂದಳು

ಮುಗಿಲೊಂದು ಬಾನಿನಲ್ಲಿ ನಾನೇ ಮಿಗಿಲೆಂದಿತು
ನೀಡುವೆ ಮಳೆ ತೊಳೆಯುವೆ ಕೊಳೆ ಸಮನಾರೆನಗೆಂತು
ಹೆಣ್ಣು ಪಾಪ ತೊಳೆವ ಸುರಗನ್ಗೆ ಹೆಣ್ಣೆಂದಿತು

ಹೂವೂ ಚೆಲುವೆಲ್ಲಾ ನಂದೆಂದಿತೂ
ಹೆಣ್ಣು ಹೂವ ಮುಡಿದು ಚೆಲುವೆ ತಾನೆಂದಳು
ಹೂವೂ ಚೆಲುವೆಲ್ಲಾ ನಂದೆಂದಿತೂ