ಜಿ. ಎಸ್. ಶಿವರುದ್ರಪ್ಪ
ರಾಧಾಕೃಷ್ಣರ ಮಧುರ ಮಿಲನವಿದೊ ನಿಧುವನದಿ !
ಅನುಪಮ ರೂಪರು, ಅನಂತ ಪೇಮದ ಮೂರ್ತಿಗಳು
ಕಟ್ಟ ಕಡೆಯಲಿ ಒಂದಾಗಿರುವರು
ಈ ಅತಿಸುಂದರ ನಿಧುವನದಿ !
ಕಟ್ಟ ಕಡೆಯಲಿ ಒಂದಾಗಿರುವರು
ಈ ಅತಿಸುಂದರ ನಿಧುವನದಿ !
ಕನಕವರ್ಣದಲಿ ರಂಜಿಸೆ ರಾಧೆ,
ನೀಲ ಮಣಿಯವೊಲು ಹೊಳೆವನು ಕೃಷ್ಣ !
ಒಂದೆಡೆ ತೂಗುತಲಿದೆ ವನಮಾಲೆ
ಮತ್ತೊಂದೆಡೆ ಕಂಠೀಹಾರ ;
ಒಂದೆಡೆ ಶೋಭಿಸೆ ಕರ್ಣಕುಂಡಲವು,
ಮತ್ತೊಂದೆಡೆ ರನ್ನದ ಬೆಂಡೋಲೆ !
ನೀಲ ಮಣಿಯವೊಲು ಹೊಳೆವನು ಕೃಷ್ಣ !
ಒಂದೆಡೆ ತೂಗುತಲಿದೆ ವನಮಾಲೆ
ಮತ್ತೊಂದೆಡೆ ಕಂಠೀಹಾರ ;
ಒಂದೆಡೆ ಶೋಭಿಸೆ ಕರ್ಣಕುಂಡಲವು,
ಮತ್ತೊಂದೆಡೆ ರನ್ನದ ಬೆಂಡೋಲೆ !
ಒಂದು ಕೆನ್ನೆಯಲಿ ಮೂಡುವ ಸೂರ‍್ಯ,
ಮತ್ತೊಂದರೊಳೊ, ಮೂಡುವ ಚಂದ್ರ
ಒಂದೆಡೆ ರಾಜಿಸೆ ಮಯೂರ ಪಿಂಛ,
ಮತ್ತೊಂದೆಡೆಯೊಳು ಫಣಿವೇಣೀ.
ಓಹೋ ನೋಡಿರೆ, ರಾಧಾಕೃಷ್ಣರ
ಮಧುರ ಮಿಲನವಿದೊ ನಿಧುವನದಿ !
ಮತ್ತೊಂದರೊಳೊ, ಮೂಡುವ ಚಂದ್ರ
ಒಂದೆಡೆ ರಾಜಿಸೆ ಮಯೂರ ಪಿಂಛ,
ಮತ್ತೊಂದೆಡೆಯೊಳು ಫಣಿವೇಣೀ.
ಓಹೋ ನೋಡಿರೆ, ರಾಧಾಕೃಷ್ಣರ
ಮಧುರ ಮಿಲನವಿದೊ ನಿಧುವನದಿ !
No comments:
Post a Comment
Note: Only a member of this blog may post a comment.