ಒಂದೇ ಬಾರಿ ನನ್ನ...
- ದ.ರಾ. ಬೇಂದ್ರೆ
ಒಂದೇ ಬಾರಿ ನನ್ನ ನೋಡಿ ಮಂದ ನಾಗಿ ಹಾಂಗ ಬೀರಿ
ಮುಂದ ಮುಂದ ಮುಂದ ಹೋದ ಹಿಂದ ನೋಡದ, ಗೆಳತಿ ಹಿಂದ ನೋಡದ ||
ಗಾಳಿ ಹೆಜ್ಜಿ ಹಿಡದ ಸುಗಂಧ ಅತ್ತ ಅತ್ತ ಹೋಗುವಂಗ
ಹೋತ ಮನಸು ಅವನ ಹಿಂದ ಹಿಂದ ನೋಡದ, ಗೆಳತಿ ಹಿಂದ ನೋಡದ
ನಂದ ನನಗ ಎಚ್ಚರಿಲ್ಲ ಮಂದಿ ಗೊಡವಿ ಏನ ನನಗ ?
ಒಂದೇ ಅಳತಿ ನಡೆದದ ಚಿತ್ತ ಹಿಂದ ನೋಡದ, ಗೆಳತಿ ಹಿಂದ ನೋಡದ
ಸೂಜಿ ಹಿಂದ ದಾರದಾಂಗ ಕೊಳದೊಳಗ ಜಾರಿಧಾಂಗ
ಹೋತ ಹಿಂದ ಬಾರದಾಂಗ ಹಿಂದ ನೋಡದ, ಗೆಳತಿ ಹಿಂದ ನೋಡದ
No comments:
Post a Comment
Note: Only a member of this blog may post a comment.