ನೋಡು ಬಾ ನೋಡು...

ನೋಡು ಬಾ ನೋಡು...
- ವಿಜಯನಾರಸಿಂಹ

ನೋಡು ಬಾ ನೋಡು ಬಾ ನಮ್ಮೂರ
ಕಣ್ಣಾರ ನೋಡು ಬಾ ನಮ್ಮೂರ ||

ಕಸ್ತೂರಿ ಕನ್ನಡದ ನಮ್ಮೂರು
ಕಲೆಗೆ ಕಣ್ಣಾದ ನಮ್ಮೂರು
ಚಾಮುಂಡಿ ವರಧಾನ ನಮ್ಮೂರು
ರಸಜೀವಿ ನೀನಾಗು ಬಾ ಬಾ ಬಾ

ಚಂದನವೇ ಭುವಿಗಿಳಿದ ಬೃಂದಾವನ
ಇಲ್ಲಿಹುದು ನೂರಾರು ಪ್ರೇಮಾಯಣ
ಕಾವೇರಿ ವಿಶ್ವ ಕವಿ ಕಾವ್ಯ ರಸ ಧಾರೆ
ಆ ತಾಯಿ ಮೈಸೂರ ಜೀವನಾ ಧಾರೆ

ಕರ್ನಾಟ ಸಂಗೀತ ಸಮ್ಮೋಹಿನಿ
ಕನ್ನಡದ ಸಾಹಿತ್ಯ ಸುಧೆವಾಹಿನಿ
ಕನ್ನಡದ ಕಣ ಕನವು ಸಂಜೀವಿನಿ
ರಸಜೀವಿ ನೀನಾಗು ಬಾ ಬಾ ಬಾ