ತರವಲ್ಲ ತಗಿ...
- ಶಿಶುನಾಳ ಶರೀಫ
ತರವಲ್ಲ ತಗಿ ನಿನ್ನ ತಂಬೂರಿ, ಸ್ವರ
ಬರದೆ ಬಾರಿಸದಿರು ತಂಬೂರಿ ||
ಸರಸ ಸಂಗೀತದ ಕುರುಹುಗಳರಿಯದೆ
ಬರದೆ ಬಾರಿಸದಿರು ತಂಬೂರಿ
ಮದ್ದಲಿ ದನಿಯೊಳು ತಂಬೂರಿ, ಅದ
ತಿದ್ದಿ ನುಡಿಸ ಬೇಕೊ ತಂಬೂರಿ
ಸಿಷ್ಟ ಸಾಧಕರ ವಿದ್ಯೆಗೆ ಒದಗುವ
ಬುದ್ದಿವಂತಗೆ ತಕ್ಕ ತಂಬೂರಿ
ಹಸನಾದ ಮ್ಯಾಳಕೆ ತಂಬೂರಿ, ಇದು
ಕುಶಲರಿಗೊಪ್ಪುವ ತಂಬೂರಿ
ಶಿಶುನಾಳದೀಶನ ಓದು ಪುರಾಣದಿ
ಹಸನಾಗಿ ಬಾರಿಸು ತಂಬೂರಿ
No comments:
Post a Comment
Note: Only a member of this blog may post a comment.